Расійскі сцяг і паказальныя выступленні. Як адзначалі Дзень дэсантніка ФОТЫ
2 жніўня ў краіне адзначаюць Дзень дэсантніка. Вось як выглядалі святочныя мерапрыемствы ў розных гарадах.
У Бабруйску дэсантнікі адзначылі свой дзень маршам па горадзе. Прычым у першых шэрагах калоны мужчына ў ваеннай форме нёс расійскі сцяг.
У Віцебску ў 103-й Віцебскай асобнай гвардзейскай паветрана-дэсантнай брыгадзе прайшоў дзень адкрытых дзвярэй. Там адбыўся паказ вайсковай тэхнікі. І таксама не абышлося без расійскага сцяга.
Фота: Віцьбічы
У брэсцкай брыгадзе спецаперацый дзень дэсантніка адзначылі арыгінальна: адзін круціў «сонейкі» на турніку, усталяваным проста на кузаве грузавіка, другі цягнуў за сабой УАЗікі.
У Салігорску дэсантнікі наведалі дзяўчынку Леру Слівец, якая мае інваліднасць.
Яна скончыла дзіцячы сад, таму мужчыны падарылі шмат падарункаў да школы і ласункаў. А таксама перадалі грошы і прывезлі шары, на адным з якіх была фраза: «Вер у сябе, і ў цябе ўсё атрымаецца».
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары