Рынак новых аўтамабіляў абваліўся ў пяць разоў. Часцёй за ўсё беларусы куплялі Geely
Беларуская аўтамабільная асацыяцыя падвяла вынікі продажаў новых аўтамабіляў у ліпені. Афіцыйны рынак працягнуў падзенне. Аўтадылеры прадалі ўсяго 837 новых аўтамабіляў (694 легкавых і 143 лёгкіх камерцыйных). Гэта амаль у 5 разоў ніжэй за ўзровень ліпеня мінулага года, піша abw.by.
У параўнанні з папярэднім месяцам, калі было прададзена больш за 1 100 легкавых аўтамабіляў, рынак упаў больш чым у паўтара раза. Аднак вынік апынуўся ўсё ж вышэй, чым у красавіку-траўні.
«Дынаміка рынку цяпер у першую чаргу вызначаецца даступнасцю аўтамабіляў і хуткасцю распродажу складоў, як у ліпені, так і ў папярэднія месяцы.
Актывізацыя продажаў Geely, якая пачалася ў чэрвені, дазволіла перадаць кліентам 290 аўтамабіляў (першае месца на рынку), але даступныя склады моцна скараціліся. Таму лідарамі сярод мадэляў па продажах прадказальна сталі Geely Atlas Pro (140 штук) і Geely Coolray (130 штук).
У структуры рынку па класах пераважалі мадэлі SUV (сумарна прададзена 577 красовераў), у той час як у раней найбольш папулярным класе B прададзена ўсяго 70 аўтамабіляў. Асноўная прычына гэтага — у прыпыненні працы зборачных прадпрыемстваў у Расіі», — гаворыцца ў справаздачы асацыяцыі.
Каментары