Нацыянальнае кадастравае агенцтва накіравала ў Дзяржаўны камітэт па маёмасці дакладную запіску, у якой заявіла пра адмову ад транскрыбавання геаграфічных назваў з беларускай мовы.
Нацыянальнае кадастравае агенцтва накіравала ў Дзяржаўны камітэт па маёмасці дакладную запіску, у якой заявіла пра адмову ад транскрыбавання геаграфічных назваў з беларускай мовы.
Агенцтва лічыць неабходным перакладаць назвы населеных пунктаў не з беларускай, а з расейскай мовы і адпаведна транслітараваць на англійскую.
Так, цяпер населены пункт Гай можа называцца па-англійску Roshchi, а Заходні — Zapadnyi.
Днямі Таварыства беларускай мовы накіравала кіраўніку прэзідэнцкай Адміністрацыі Ўладзіміру Макею ліст, ў якім заявіла, што «кадастравае агенцтва спрабуе перакрэсліць зробленае ў галіне нармалізацыі напісання назваў геаграфічных аб’ектаў».
ТБМ выступае за тое, каб захаваць пастановы, прынятыя Дзяржаўным камітэтам па маёмасці, і надаваць назвы населеным пунктам і прыпынкам, зыходзячы з беларускай мовы, напрыклад, «Чырвоны Араты» і «Чирвоный Аратый» (а не «Красный пахарь»).
Распрацоўка напісання геаграфічных назваў вядзецца спецыялістамі з 2001 года. За гэты час пабачылі свет «Даведнікі назваў населеных пунктаў Беларусі» з 4 абласцей, і 2 апошнія вобласці рыхтаваліся да выдання.
Даведнікі атрымалі станоўчыя водгукі спецыялістаў з ААН, некалькі гадоў выкарыстоўваюцца пры падрыхтоўцы геаграфічных мапаў і турыстычных шыльдаў.
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны36
Каментары