Грамадства

Мастакі стрыт-арту ствараюць у Гродне новы мурал — вышынёй 30 метраў

Каложская царква, старажытныя манеты, бурштын і раварыст — з такіх элементаў складаецца новы гродзенскі мурал, які на бульвары Ленінскага Камсамолу ствараюць мастакі Яўген Сасюра і Сяргей Рысакоў. Вышыня малюнка — 30 метраў. Ён мае быць гатовы цягам двух тыдняў, расказвае Hrodna.life.

Мурал вышынёй у дзевяць паверхаў пачалі ствараць 12 жніўня ў межах праекта «Традыцыі дзеля будучыні». Яго малююць на доме па адрасе бульвар Ленінскага Камсамола, 29 — там, дзе на першым паверсе знаходзіцца рэстаран «Залатое цяля». Завяршыць працу плануюць максімум за 15 дзён, распавёў Hrodna. life куратар праекта Алег Ларычаў.

Сцяну для размалёўкі пачалі шукаць у траўні 2022 года. «Шукалі досыць доўга. Гродзенцы прапанавалі шмат варыянтаў. Давялося аб’ехаць большасць з іх ужывую. Спадабаўся той дом, на якім і робіцца мурал. Але ў горадзе шмат сцен, якія пасуюць для муралаў. Дзіўна, што ніхто за іх не бярэцца», — распавёў Алег Ларычаў.

Эскіз атрымаўся эксперыментальны, але звязаны з горадам

Мурал ствараюць мастакі з Пінска Яўген Сасюра і Сяргей Рысакоў. Але ў распрацоўцы ідэі і эскіза прымалі ўдзел і іншыя сябры Urban Myths.

«Шмат з кім кансультаваліся. Эскіз атрымаўся досыць эксперыментальны для Беларусі. Цікава будзе паглядзець на рэакцыю гараджан і міжнароднай стрыт-арт-супольнасці», — сказаў Алег Ларычаў.

Мастакі арыентаваліся на тое, каб выява была звязаная з горадам. «Такія гістарычныя меткі. Каложская царква, старажытныя манеты, якія тут знаходзілі. Усё гэта ў бурштыне. І веласіпедыст, які трымае гэта ў руцэ і едзе наперад», — сказалі мастакі Яўген Сасюра і Сяргей Рысакоў.

Колькі фарбы трэба на такі мурал?

На стварэнне мурала пойдзе каля 200 літраў фарбы. Па словах Ларычава, з матэрыяламі яны праводзяць эксперымент. «Роспіс робіцца фарбай беларускай маркі Tintoll. Вытворца сам прапанаваў далучыцца да праекта «Традыцыі дзеля будучыні». Пакуль уражанні добрыя».

Мурал ствараюць у межах праекта Urban Myths «Традыцыі дзеля будучыні». Гэты праект прысвечаны 100-годдзю «Беларусбанка». «Пакуль запланавана 10 муралаў у 10 гарадах. У Гродне — шосты ўжо», — патлумачыў Ларычаў. Таксама ўжо створаны мурал у Лідзе, але афіцыйнага адкрыцця яшчэ не было.

Якія праекты ўжо рабілі ў Гродне

Супольнасць Urban Myths, якая прасоўвае ў Беларусі стрыт-арт, існуе з 2011 года. Да 2015 года яна называлася Signal. За ўвесь час з праектам працаваў 31 мастак. Яны малявалі свае творы ў Мінску, Рагачове, Мазыры, Пінску, а таксама іншых гарадах, у тым ліку ў Гродне.

Самы буйны стрыт-арт-аб’ект у Гродне — таксама іх праца. Гэта твор «Па мару», які ў 2014 годзе намаляваў той жа мастак, што цяпер малюе новы мурал, Яўген Сасюра (Mutus) на дзевяціпавярховіку на Белых Росах.

Акрамя гэтага, у Гродне малявалі і меншыя па памерах творы ў межах акцыі «Must Act — Must Art» у 2014 годзе. Адзін з іх — «Крумкач» (Алесь Kontra, 2014). Яго зафарбавалі ў 2018 годзе камунальныя службы Гродна.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Латушка: 25 сакавіка знікла спікерка КР Анжаліка Мельнікава

Латушка: 25 сакавіка знікла спікерка КР Анжаліка Мельнікава

Усе навіны →
Усе навіны

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць18

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем5

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае18

У нейрасетку GPT дадалі візуальны генератар. Паглядзіце, што ён можа20

Кот пароды мэйн-кун стаў рэкардсменам Кнігі Гінеса дзякуючы свайму хвасту1

Пуцін гістарычна аргументаваў планы Трампа анексаваць Грэнландыю3

больш чытаных навін
больш лайканых навін

Латушка: 25 сакавіка знікла спікерка КР Анжаліка Мельнікава

Латушка: 25 сакавіка знікла спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць