У сталіцы пабудуюць новую інфекцыйную бальніцу. Эскізны праект гэтай клінікі практычна гатовы, пра гэта распавяла старшыня камітэта па ахове здароўя Мінгарвыканкама Алена Богдан, паведамляюць «Мінск-навіны».
— Плануецца, што будынак новай інфекцыйнай бальніцы размесціцца на вул. Шаранговіча — насупраць дзіцячай «інфекцыйнай», — адзначыла Алена Богдан.
— Гэта будзе сучасная медыцынская ўстанова з добра абсталяванай дыягнастычнай, лабараторнай базай. Мы трохі павялічым ложкавы фонд (колькасць месцаў), зробім асобны блок для пацыентаў з асабліва небяспечнымі інфекцыямі. У перспектыве, спадзяваюся, гэта будзе Мінскі навукова-практычны цэнтр інфекцыйных хвароб.
Таксама старшыня камітэта па ахове здароўя растлумачыла, чаму было прынятае рашэнне аб будаўніцтве новай бальніцы:
«Сёння гарадская інфекцыйная клінічная бальніца размешчаная на вул. Крапоткіна, у старых будынках, даволі моцна раскіданых па тэрыторыі бальніцы. І мы сёння не можам на плошчы, якая ёсць у клінікі, укараніць усё, што нам хочацца. Гэта тычыцца лабараторнага забеспячэння, новых боксавых палат. І дыягнастычны блок хочацца іншы».
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі7
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4747
Каментары