Уладзімір Кацюбка — станочнік з Брэста, быў фігурантам справы аб блакаванні чыгуначных шляхоў і развешванні пудзілаў у Брэсце. Яму былі прад'яўленыя абвінавачванні па ч. 2 арт. 339 КК (Злоснае хуліганства).
![](http://nashaniva.com/img/w732d4webp1/photos/z_2022_08/katsubka-6t4ok.jpg.webp)
З 25 студзеня 2021 года і да суда Кацюбка знаходзіўся пад хатнім арыштам. У віну яму ставілася вывешванне манекена (лялькі-чучала) з надпісамі «АМАП». 18 мая 2021-га Уладзімір быў асуджаны судом Ленінскага раёна Брэста на 1 год і 6 месяцаў пазбаўлення волі ў калоніі агульнага рэжыму.
Пакаранне Уладзімір адбываў у ПК-22 у Івацэвічах. Нядаўна ён вызваліўся па сканчэнні тэрміну, паведамляе фэйсбук-суполка «Письма солидарности».
Каментары