У Мінску выбралі найлепшую лаўку. Але на ёй немагчыма сядзець
У Мінску завяршыўся конкурс на найлепшую лаўку. Сёлета першае месца дасталася Зелянбуду Цэнтральнага раёна, паведамляе the village.me.
![](http://nashaniva.com/img/w732d4webp1/photos/z_2022_08/ivqo9f4ym_6ue5ikuejusa-xrxdi.jpg.webp)
Іх лавачка стаіць у зялёнай зоне на вуліцы Максіма Танка і ўяўляе з сябе своеасаблівы фларарыум: акварыум з кветкамі. Таксама ў лаўкі ёсць сонечная батарэя і USB-раз'ёмы. Яна з усіх бакоў шкляная: і сядзенне, і спінка, і частка, якая прымыкае да галёнак. Шкло мацуецца да масіўных металічных рыгеляў.
Вядома, што ў гарачае надвор'е шкло вельмі моцна награваецца — так што на лавачцы практычна немагчыма будзе сядзець, не рызыкуючы атрымаць апёк. Удзельная цеплаёмістасць дрэва прыкладна ў тры разы вышэйшая, чым цеплаёмістасць шкла — гэта значыць, шкло награваецца прыкладна ўтрая хутчэй за дрэва і гэтак жа павольна астывае. Таму лавачкі звычайна і робяць драўлянымі, каб на іх было камфортна сядзець.
Другое месца занялі адразу дзве лаўкі. Першая з іх —антывандальная лава Гаррамаўтадара Мінгарвыканкама ў паркавай зоне каля станцыі метро «Міхалова». Ля лавачкі таксама ёсць свой міні-садок з кветкамі.
![](http://nashaniva.com/img/w732d4webp1/photos/z_2022_08/bz47culp-y-8voxrvnjl-a-c8pvq.jpg.webp)
Іншая — гіганцкая канструкцыя пад назвай «#любимуюнеотдают» ад «Мінскай гарадской жыллёвай гаспадаркі» на алеі Народнага Адзінства.
![](http://nashaniva.com/img/w732d4webp1/photos/z_2022_08/ggrd2guxvjdcbjcupictra-v5bmo.jpg.webp)
«Бронзавых» прызёраў таксама два. Адзін — «Гатэль «Кантыненталь» з лавай-арэлямі ў садзе Гашкевіча. Другі — комплекс лавачак з кветкавымі кадкамі ад «Зелянбуда» Кастрычніцкага раёна на скрыжаванні вуліц Жукоўскага і Варанянскага.
![](http://nashaniva.com/img/w732d4webp1/photos/z_2022_08/icu_sgefwhbcc_turf3y7a-5cjio.jpg.webp)
Вось і астатнія ўдзельнікі конкурсу.
![](http://nashaniva.com/img/w732d4webp1/photos/z_2022_08/hdbulnz6jwq1hpip_vjhuq-5h14l.jpg.webp)
Каментары