Кніга «У вайны не жаночае аблічча», што выйшла ў 1985 годзе, будзе пакладзеная ў аснову амерыканскага тэлесерыяла. Падрабязнасці пакуль невядомыя.
Пра гэта паведаміў у фэйсбуку выдавец лаўрэаткі Нобелеўскай прэміі Барыс Пастэрнак.
«І яшчэ навіна ад Святланы Аляксандраўны. Вось тут я зноў апярэджу падзеі, паколькі справа будзе доўгай — здымкі тэлевізійнага серыяла па кнізе «У вайны не жаночае аблічча». Пасля ашаламляльнага поспеху «Чарнобыля», знятага амерыканскай стрымінгавай кампаніяй HBO, за правы на новы серыял разгарнулася міжнародная канкурэнцыя. Не магу пакуль выдаваць падрабязнасці, але дагавор падпісаны, падрыхтоўчы перыяд пачаўся», — напісаў ён.
«У вайны не жаночае аблічча» — дакументальная аповесць, заснаваная на інтэрв'ю з савецкімі жанчынамі, якія ўдзельнічалі ў Другой сусветнай вайне. Кніга выйшла ў 1985 годзе і стала першай апублікаванай кнігай Святланы Алексіевіч.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары