МАГАТЭ: Пачаліся кансультацыі адносна стварэння вакол Запарожскай АЭС ахоўнай зоны
Гендырэктар МАГАТЭ Рафаэль Марыяна Грасі заявіў пра пачатак кансультацый па пытанні стварэння вакол ЗАЭС ахоўнай зоны ядзернай і фізічнай бяспекі.
На Запарожскай АЭС аднавілі знешняе электразабеспячэнне, паведаміла МАГАТЭ.
«Адноўленая рэзервовая лінія электразабеспячэння Запарожскай атамнай электрастанцыі (ЗАЭС), якая забяспечвае станцыю знешнім электразабеспячэннем, неабходным для астуджэння рэактара і іншых функцый бяспекі», — гаворыцца ў твіце МАГАТЭ.
Тым часам гендырэктар МАГАТЭ Рафаэль Марыяна Грасі заявіў пра пачатак кансультацый па пытанні стварэння вакол ЗАЭС ахоўнай зоны ядзернай і фізічнай бяспекі.
«Я па-ранейшаму сур'ёзна занепакоены сітуацыяй на заводзе, які застаецца ў небяспецы да тых часоў, пакуль працягваюцца абстрэлы. Для вырашэння гэтай сур'ёзнай сітуацыі пачатыя кансультацыі аб неабходнасці тэрміновага стварэння зоны ядзернай бяспекі і абароны на Запарожскай атамнай электрастанцыі (ЗАЭС)», — гаворыцца ў заяве Грасі аб сітуацыі ва Украіне.
У МАГАТЭ заяўляюць, што надзейнае вонкавае электразабеспячэнне ад сеткі і сістэмы рэзервовага электразабеспячэння неабходныя для забеспячэння ядзернай бяспекі і прадухілення ядзернай аварыі, нават калі рэактары ўжо не працуюць. Гэта патрабаванне ўваходзіць у лік сямі абавязковых умоў ядзернай і фізічнай ядзернай бяспекі, якія Рафаэль Гросі пазначыў у пачатку канфлікту.
Сёння пытанні бяспекі на Запарожскай АЭС абмяркоўваліся падчас тэлефоннай размовы прэзідэнта Францыі Эманюэля Макрона з Уладзімірам Пуціным.
Уначы 11 верасня энергаблок №6 ЗАЭС адключылі ад энергасеткі. Ідзе падрыхтоўка да яго ахаладжэння і пераводу ў халодны стан.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»26
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары