Пра выпадак, які адбыўся ў чацвер, распавяла слуцкаму «Кур'еру» жанчына, якая адпачывала з дзіцем у санаторыі «Сонейка». Яна расказала, што недалёка ад жылога корпуса мужчына застрэліў сабаку.
![](http://nashaniva.com/img/w732d4webp1/photos/z_2022_09/220922_cobaka13-89lnw.jpg.webp)
«Сёння, калі збіраліся на сняданак, пачулі стрэлы: спачатку адзін, потым другі, каля корпуса «Маці і дзіця», — распавяла жанчына. — Пастаяльцы, вокны якіх выходзяць на той бок, потым распавялі, што выпадак бачыў хлопчык і яго бабуля. Першым стрэлам, мабыць, мужчына параніў сабаку, той завішчаў. Потым ён падышоў да параненай жывёлы і стрэліў у яго другі раз. Сабака мучыўся і памер не адразу. Затым адцягнулі сабаку ў бок».
«Я выклікала міліцыю. Адпачывальнікі шакаваныя. Я разумею, што бадзяжных жывёл быць на тэрыторыі не павінна, але чаму не выклікалі адлоў, а сталі страляць? Стральба каля дзіцячай установы — гэта нонсэнс. Мала таго, што забойства жывёлы — само па сабе жорсткасць, але і куды паляціць шалёная куля, хто гарантуе? Корпус усяго за 30-40 метраў», — дадала жанчына.
![](http://nashaniva.com/img/w732d4webp1/photos/z_2022_09/kurjer-hdhl3.jpg.webp)
Дырэктар санаторыя «Сонейка» Віталь Кобель расказаў, што сабака з'явіўся на тэрыторыі санаторыя каля месяца таму. «Мы спрабавалі яго злавіць сваімі сіламі, але ў нас не атрымалася. Тады загадчык гаспадаркі выклікаў егера, які зрабіў адстрэл. Сабака гуляў з дзецьмі. Мы турбаваліся, што ён іх пакусае і можа быць хворы, таму прынялі такія меры».
У міліцыі заявілі, што праводзіцца праверка.
Каментары
И ведь гад знает, что в худшем случае ему погрозят пальчиком.
Виталий Кобель, Вы нехороший человек! Рано или поздно Вам придется за это ответить вместе с карманным "егерем".