Урад Беларусі на шэсць месяцаў, пачынаючы з 24 верасня, забараніў вываз збожжа з краіны, у тым ліку на тэрыторыю ЕАЭС. Папярэдняе паўгадавое абмежаванне дзейнічала з 11 сакавіка.
У пералік тавараў, якія трапілі пад забарону вывазу, уваходзяць пшаніца, жыта, ячмень, авёс, кукуруза, проса, грэчка, іншыя збожжавыя — усяго 19 найменняў. Забаронены вываз у тым ліку ў дзяржавы ЕАЭС незалежна ад краіны паходжання.
Забарона не тычыцца тавараў, якія з'яўляюцца гуманітарнай дапамогай, вывозяцца ў якасці харчовых прыпасаў або на падставе рашэнняў урада, а таксама перавозяцца праз Беларусь транзітам.
Раней урад падоўжыў на паўгода забарону на вываз некаторых прамысловых тавараў, за выключэннем прадукцыі беларускага і расійскага паходжання. У гэтым пераліку 254 назвы тавараў.
Каментары