Мянушку Дызель адзінокаму дварняку далі неабыякавыя людзі, якія яго кармілі і спрабавалі знайсці яму новае жытло. На аўтазапраўцы пад Гродна сабака з'явіўся ў сакавіку гэтага года. Па якой прычыне, дакладнай інфармацыі няма ні ў каго. Але валанцёры і супрацоўнікі запраўкі лічаць, што сабаку вывезлі і пакінулі тут гаспадары.

Мясцовыя работнікі спрабавалі знайсці Дызелю хоць бы часовае жыллё. Аднойчы сабаку ўзяла пажылая пара, якая жыла ў суседняй вёсцы. Але Дызель зрабіў падкоп і вярнуўся на аўтазапраўку далей чакаць свайго гаспадара.

«Яго палюбілі і мясцовыя, і кліенты. Пастаянна частавалі яго чымсьці смачным. Дызеля нават дзеці кармілі з рук. Гэта быў вельмі добры і ласкавы сабака», — расказваюць валанцёры.

Потым сабаку знайшлі ператрымку ў Гродне, але сабака рашуча адмаўляўся ісці ў машыну.

«Дызеля забілі 14 верасня. Прыехала служба адлову Скідзельскага ЖКГ і стрэліла ў яго забойчую дозу снатворнага. У гэты час сабака ціхенька спаў на сонейку, — гавораць валанцёры. — Цела забралі і пахавалі на мясцовым палігоне».

Валанцёры перакананыя — служба адлову парушыла заканадаўства:

«Мы знайшлі нарматыўныя дакументы, у якіх пазначана, што адстрэл безнаглядных жывёл магчымы толькі ў «выключных выпадках па рашэнні мясцовых выканаўчых і распарадчых органаў».

Дызель нікому не перашкаджаў, ні на каго не кідаўся. Ён проста чакаў сваіх гаспадароў. А яго забілі на вачах у людзей».

У адказ на гэта валанцёры напісалі заяву ў міліцыю. Яны просяць правесці службовую праверку і даць ацэнку дзеянням службы адлову.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Правдоруб / Адказаць
29.09.2022
С этими живодерами какая-то жесть происходит, обострение осеннее?... И ведь управу на них в этом гАцударстве найти почти нереально. Закон есть, а попробуй докажи, что они нарушили...
1
Швондер / Адказаць
29.09.2022
Господи, в Беларуси, служба очистки, укомплектованая шариковыми, работает 28 лет, с 1994 года.
Эта служба отлавливает и отстреливает не только бездомных собак и котов, но и недовольное население Беларуси.
1
Дрэва / Адказаць
29.09.2022
"Лукашыцкi мiр" i гэтыя усе жкх жкг i таму падобная х..
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру