Еўракамісія пакуль не прыняла рашэнне па запыце беларускіх уладаў аб макрафінансавай дапамозе.
Еўракамісія пакуль не прыняла рашэнне па запыце беларускіх уладаў аб выдзяленні краіне макрафінансавай дапамогі, паведаміў у інтэрв’ю БелаПАН кіраўнік прадстаўніцтва ЕК у Мінску Жан‑Эрык Хольцапфель.
Дыпламат адзначыў, што дапамога будзе аказана, у прыватнасці, калі Беларусь выканае пагадненне з Міжнародным валютным фондам аб атрыманні крэдыту стэнд‑бай, пры наяўнасці дэфіцыту фінансавання, а таксама наяўнасці ў ЕС фінансавай магчымасці выдзеліць такія сродкі.
«Цяпер мы чакаем чарговай справаздачы МВФ», — адзначыў Хольцапфель.
Запыт аб макраэканамічнай дапамозе беларускія ўлады накіравалі ў канцы чэрвеня 2009 года.
Макраэканамічная дапамога, якую аказвае ЕС, задумана як дапаўненне і выдзяляецца ў сукупнасці з крэдытам Міжнароднага валютнага фонду або Сусветнага банка. Яна можа быць выдзелена ў выглядзе крэдыту або як бязвыплатная дапамога — у залежнасці ад патрэб краіны.
Хольцапфель паведаміў, што бюджэт беларускіх праектаў у межах штогадовай праграмы дзеянняў быў павялічаны з 5 да 10 млн. еўра. Пры гэтым ён падкрэсліў, што праекты ў Беларусі фінансуюцца праз шэраг праграм, не толькі з гадавога бюджэту для краіны, гэта — рэгіянальныя праграмы, тэматычныя, трансгранічныя.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары