Масква пужае Арменію: праз збліжэнне з ЕС Арменія страціць 30% эканомікі
Абяцаюць праблемы са збытам прадукцыі і праз візавы рэжым.
Савет Бяспекі РФ выпусціў адмысловую заяву пра наступствы збліжэння Ерэвана з ЕС.
Пры выхадзе Арменіі з ЕАЭС яе ВУП скароціцца на 15,1%, а інфляцыя вырасце на 14,3%, прадказваюць у Савеце бяспекі РФ.
Будзе нанесеная шкода армянскай металургіі, вытворчасці напояў, тытунёвых вырабаў і прадуктаў харчавання — спад у гэтых галінах складзе да трэці, падлічылі расіяне.
А калі Арменія не зразумее, то далей будзе горш. Кошт далучэння Арменіі да ЕС будзе каштаваць ёй прыкладна 23% ВУП, паводле самых сціплых разлікаў, перадае ТАСС прадказанні Саўбеза РФ.
Да таго, патэнцыйнае ўступленне ў ЕС і ўвядзенне візавага рэжыму з РФ і Іранам скароціць прыток турыстаў і нанясе ўдар па эканоміцы краіны.
У СБ РФ заявілі, што пры выхадзе Арменіі з ЕАЭС іншыя краіны саюза не адчуюць значных адмоўных наступстваў — страты складуць сотыя долі працэнта.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
[Зрэдагавана]