«Супрацоўнікам амерыканскага «Макдональдса» пакуль шанцуе менш». У беларускім «Макдональдсе» стварылі праўладны прафсаюз
У аддзяленні «Макдональдса» ў Маскоўскім раёне Мінска стварылі першасную прафсаюзную арганізацыю. У яе ўвайшлі ажно сем чалавек. У Федэрацыі прафсаюзаў Беларусі гэта падзею назвалі гістарычнай.
Як паведамляе ФПБ, пяршасная арганізацыя была зарэгістраваная 27 верасня, а сёння, 10 кастрычніка, прадстаўнікі рэстарана атрымалі пасведчанне аб рэгістрацыі.
У сетцы рэстаранаў хуткага харчаванне працуюць каля 2 тысяч чалавек. З іх у прафсаюз уступілі сямёра.
«Галіновы прафсаюз і Мінская гарадская арганізацыя доўгія гады планамерна вядуць працу па стварэнні першасных прафсаюзаў ва ўсіх арганізацыях дзяржаўнай і недзяржаўнай формаў уласнасці. У тым ліку, з «Макдональдсам».
Больш за дзесяць гадоў ішла гэтая праца, доўгая, карпатлівая. І вось, яна прынесла вынікі»,
— заявіў на цырымоніі ўручэння пасведчання старшыня Мінскай гарадской арганізацыі прафсаюзаў работнікаў гандлю Аляксей Кулібаба.
Старшыня Мінскага гарадскога аддзялення прафсаюзаў Аляксандр Шчаковіч пажадаў работнікам «Макдональдса» адчуваць сябе
«часткай вялікай прафсаюзнай сям'і» і заявіў, што прафсаюз дапамагае работнікам ахоўваць свае правы, сочыць, каб усе распісваліся ў дакументах і дапамагае прадпрыемству «ўлівацца ў жыццё горада».
Пры гэтым на прафсаюзных сайце ці то з іроніяй, ці то сур'ёзна адзначылі, што
«супрацоўнікам амерыканскага «Макдональдса» пакуль шанцуе менш. Работнікі сеткі ў ЗША гадамі патрабуюць стварэння ўласных прафсаюзаў з-за нізкіх заробкаў і цяжкіх умоваў працы, а кіраўніцтва кампаніі загразла ў працоўных спрэчках».
Два гады таму Аляксандр Лукашэнка даручыў стварыць прафсаюзныя ячэйкі на ўсіх прадпрыемствах, у тым ліку прыватных. За адмову ён прапаноўваў ліквідаваць прыватныя кампаніі. У той жа час незалежныя прафсаюзы ў Беларусі ліквідуюцца, некаторыя з іх лідараў зняволеныя і прызнаныя палітвязнямі.
-
35 гадоў таму бел-чырвона-белы сцяг і герб «Пагоня» сталі дзяржаўнымі сімваламі
-
Ціханоўская шчыра расказала пра хваробу сына і нябачную працу жанчын. «Дзесяць гадоў свайго жыцця я прысвяціла яму і яго рэабілітацыі»
-
У вышук абвясцілі магілёўскага дэпутата і прадзюсара. З ім за мяжу з'ехала вядучая дзяржаўнага тэлеканала
Каментары