БТ сцвярджае, што Валер Залужны носіць бранзалет са свастыкай.
«Ва Украіне нацызму няма. Толькі як растлумачыць, што галоўнакамандуючы ўкраінскай арміі генерал Залужны любіць насіць бранзалеты са свастыкай? Зусім нядаўна ў сваім твітары ён размясціў фота, на якім пры павелічэнні добра відаць, якую ідэалогію, не саромеючыся, прапагандуе камандаванне ўкраінскага войска, выбіраючы ўпрыгажэнні з праклятым гнутым крыжам забойцаў, карнікаў і фашыстаў. Таму генацыд і прыгнёт — гэта іх шлях», — сцвярджае БТ.
Дык што, у Залужнага і праўда бранзалет са свастыкай? Вядома, не.
Прапаганда неаднаразова абвінавачвае ўкраінскае ваеннае кіраўніцтва, палітыкаў і нават простых украінцаў у нацызме.
У выпадку Залужнага гаворка вялася пра вось гэты ягоны твіт.
![](http://nashaniva.com/img/w732d4webp1/photos/z_2022_10/photo_2022-10-09_23-29-47-jatbs.jpg.webp)
Вось тут прапагандысты пабачылі свастыку.
![](http://nashaniva.com/img/w732d4webp1/photos/z_2022_10/photo_2022-10-09_23-31-51-gyhzw.jpg.webp)
З падобным бранзалетам Залужны з'яўляўся і раней.
![](http://nashaniva.com/img/w732d4webp1/photos/z_2022_10/screenshot2022-10-18at171232-npyqt.jpg.webp)
Падобныя бранзалеты прадаюцца ў звычайных інтэрнэт-магазінах.
![](http://nashaniva.com/img/w732d4webp1/photos/z_2022_10/pastedimage0-xsamc.png.webp)
На аксэсуары ніякай свастыкі няма. Адкуль жа яна «з'явілася» на руцэ Залужнага?
Уся праблема ў тым, што твітар сціскае якасць фатаграфіі пры яе публікацыі. І адзін з элементаў бранзалета пры пагаршэнні якасці можа памылкова паказваць «свастыку».
Для нагляднасці адзін з карыстальнікаў твітара выклаў фота з падобным знакам. Як бачым, пры пагаршэнні якасці з’яўляецца вось такая «свастыка».
![](http://nashaniva.com/img/w732d4webp1/photos/z_2022_10/11yuz-mre1e.png.webp)
На гэтым бранзалеце можна пазнаць і іншыя сімвалы, якія таксама не маюць дачынення да нацызму.
Расія выявілася няздольнай перамагчы Украіну на полі бою, таму спрабуюць дыскрэдытаваць украінскае вайсковае і палітычнае кіраўніцтва вось такімі фокусамі. А лукашысты гэтую прапаганду сервільна рэтранслююць.
Каментары