Салдат тэрміновай службы сапраўды пакінуў тэрыторыю палігона, але ён не ўцёк, а згубіўся
Крыніца, блізкая да вайсковай часці 3214, расказала тэлеграм-каналу «МотолькоПомоги», што на самай справе адбылося сёння на палігоне ўнутраных войскаў МУС Беларусі каля вёскі Аколіца ў Мінскім раёне.
Паводле сведчання крыніцы, салдат тэрміновай службы Мікіта Юр'евіч В. з вайсковай часці 3214 унутраных войскаў МУС РБ у раёне 13:30 сапраўды пакінуў размяшчэнне палігона, але зрабіў гэта не спецыяльна — ён проста згубіўся.
Паведамляецца, што калі салдаты хадзілі на перакур, то адзін з таварышаў па службе адстаў, а іншыя ўжо паспелі вярнуцца на палігон. Не ведаючы, куды ісці, салдат разам са сваім аўтаматам проста пайшоў не ў тым кірунку.
Больш за тое, па словах крыніцы, для таго, каб яго знайсці, на тэрыторыі ўсёй Мінскай вобласці нават ўводзілі план «Сірэна». У выніку праз пару гадзін салдата знайшлі.
Увечары інфармацыю аб уцёках пачаў абвяргаць канал УУС Гродзенскага аблвыканкама. Прычына гэтага ў тым, што салдат, з якім здарылася гэта непаразуменне, родам з Ваўкавыскага раёна.
Чытайце таксама:
З палігона пад Мінскам збег узброены спецназавец з аўтаматам?
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі8
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары