Расійскі генерал прызнаў выкарыстанне С-300 і С-400 па наземных цэлях
Генерал-лейтэнант, дэпутат Дзярждумы РФ Андрэй Гурулёў у эфіры аднаго з расійскіх ютуб-каналаў распавёў, што Расія выкарыстоўвае для паражэння наземных цэляў ЗРК С-300 і С-400.
«Нам па паветраных цэлях няма куды біць, ва ўкраінцаў авіяцыі практычна не засталося», — тлумачыць Гурулёў. Таму, паводле яго, расіяне «паспрабавалі С-300, С-400 біць па наземных цэлях».
«Добра атрымліваецца, адхіленне не большае за 20-30 метраў», — кажа ён.
Паводле яго, С-400 ад пачатку былі прыстасаваныя для выкарыстання па наземных цэлях, а С-300 трэба перанастройваць, але з’явліся праграмы, цяпер пераналадзіць і С-300 — «нескладана, умомант робіцца».
«У С-300 хуткасць вар’яцкая, яе збіць — цэлая праблема, матэматычнае чаканне паражэння цэлі практычна 98%. Гэта вельмі сурʼёзна, вельмі эфектыўна», — хваліцца ён.
Чытайце таксама:
ІТ-забойцы. Расследавальнікі ідэнтыфікавалі 30 расійскіх інжынераў, якія наводзяць кіраваныя ракеты на ўкраінскія гарады
Цяпер чытаюць
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары