Парламент Казахстана прыняў закон аб амністыі ўдзельнікаў студзеньскіх пратэстаў
Згодна з законам, частку асуджаных вызваляць, многім — значна скароцяць тэрміны зняволення, а камусьці нават дапамогуць з пошукам працы і жылля, піша Tengrinews.
Як адзначыў спікер Сената Казахстана Маўлен Ашымбаеў, парламентарыі разглядаюць прыняты закон як «акт гуманізму з боку грамадства і дзяржавы». У прыватнасці, закон аб амністыі прадугледжвае вызваленне ад крымінальнага пераследу асоб, якія ўчынілі злачынствы невялікай і сярэдняй цяжкасці.
Тым, хто быў прызнаны вінаватым у здзяйсненні цяжкіх і асабліва цяжкіх злачынстваў, скароцяць тэрміны знаходжання ў зняволенні на тры чвэрці і напалову адпаведна.
Асобна ў законе прапісаная адказнасць грамадзян, якія ўчынілі «экстрэмісцкія, карупцыйныя злачынствы, дзяржаўную здраду», арганізатары масавых беспарадкаў, рэцыдывісты, гвалтаўнікі. Яны не падпадаюць пад амністыю.
Таксама ў законе агавораныя магчымасці і спосабы рэсацыялізацыі вызваленых асоб — працаўладкаванне, аказанне медыцынскай дапамогі і афармленне дакументаў.
Паводле звестак Генеральнай пракуратуры Казахстана, у выніку пратэстаў у студзені гэтага года пацярпелі 4353 чалавекі, загінулі 238.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары
Сжигаешь МВД и парламент - будет амнистия.
Жуешь сопли и ходишь с цветочками - будут забитые камеры и сроки как в 30х годах.