Здзелка па продажы холдынгам Medicover доляў у кампаніях «Сінэва» і «Нерухомасць Усход», як чакаецца, будзе закрыта ў IV квартале 2022 года. Пра гэта піша Office Life са спасылкай на справаздачу кампаніі.
Беларускія актывы сама Medicover ацэньвае ў €14,5 млн. Выручка холдынга ў Беларусі склала ў мінулым годзе €21,7 млн., за дзевяць месяцаў гэтага года — €15,3 млн.
У справаздачы ўдакладняецца, што здзелка падлягае «звычайнай ухвале рэгулюючых органаў» — «Сінэва» і «Нерухомасць Усход» не ўваходзяць у спіс кампаній, для якіх уведзена забарона на адчужэнне доляў замежнымі ўласнікамі.
Synevo — самая буйная на сённяшні дзень дыягнастычная сетка Беларусі, у якую ўваходзяць лабараторыя і каля 60 пунктаў здачы аналізаў у 25 гарадах краіны. У ёй працуе больш за 500 супрацоўнікаў. Першы дыягнастычны цэнтр адкрыўся ў Мінску ў 2009 годзе.
Уладальнікам сеткі і брэнда зʼяўляецца шведскі холдынг Medicover, якому належаць медцэнтры і лабараторыі ў Польшчы, Нямеччыне, Румыніі, Украіне, Грузіі, Малдове, Сербіі і Балгарыі. Заснавальнікам Medicover зʼяўляецца Ёнас аф Ёкнік, вядомы беларусам па сваім іншым праекце — Oriflame. Яго наследнікі кантралююць Medicover праз Celox Holding.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары