Міністр абароны Брытаніі Бэн Уолес заклікаў украінскія войскі захоўваць тэмп і працягваць імклівыя атакі на расійскія сілы цягам зімовых месяцаў.
«Улічваючы перавагу, якую ўкраінцы маюць у падрыхтоўцы, абсталяванні і якасці баявога складу супраць дэмаралізаваных, дрэнна навучаных, дрэнна аснашчаных расіян, у інтарэсах Украіны захаваць тэмп зімой, — сказаў Уолес у інтэрв'ю Daily Beast. — У іх ёсць 300 тысяч адзінак арктычнага баявога рыштунку, атрыманага ад міжнароднай супольнасці».
Уолес пахваліў украінцаў за тое, што яны здзівілі ўвесь свет, прадэманстраваўшы ўласную мужнасць і майстэрства, а таксама велізарныя недахопы расійскіх узброеных сіл.
«Нядаўна расійскае падраздзяленне было разгорнута без ежы і шкарпэтак і з невялікай колькасцю зброі. Гэта катастрофа для чалавека, які адпраўляецца на поле бою. [ … ] Яны адпраўляюць іх у мясарубку і выкарыстоўваюць велізарную колькасць артылерыі. Толькі краіна, якая не клапоціцца пра свой народ, можа адправіць 100 тысяч сваіх людзей, каб яны былі альбо мёртвыя, альбо параненыя, альбо дэзерціравалі», — сказаў Уолес.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары