У той час як разумныя лямпачкі, душавыя насадкі з нізкім напорам, разумныя тэрмастаты і іншыя энергазберагальныя прылады дапамагаюць знізіць вашы камунальныя плацяжы, змяненне некаторых вашых штодзённых звычак таксама можа дапамагчы заашчадзіць сур’ёзныя сумы.
Выключаць святло, калі вы выходзіце з пакоя, — самы просты спосаб эканоміі. Вось некалькі іншых ідэй.
1. З розумам адчыняйце і зачыняйце шторы і жалюзі
У халодны сезон сонца можа добра грэць дом. Летам, наадварот, лішняе цяпло вам не трэба. Вазьміце звычку ўзімку адвешваць фіранкі на дзень. Калі надыходзіць вечар, наадварот, завесьце шторы, прычым так, каб батарэі заставаліся незакрытыя, каб захаваць максімум цяпла.
2. Мінімізуйце скразнякі, пастаўце шклопакеты, закрыйце шчыліны
Заклейвайце вокны на зіму, а ў цяжкіх выпадках — замяніце старыя і няякасныя вокны на новыя — усё гэта можа палепшыць ізаляцыю вашага дома. Для максімальнага ўцяплення можна раскладваць складзеныя ручнікі або пледы ўздоўж падваконняў і дзвярэй.
3. Трымайце вокны ў чысціні
Чыстыя вокны — больш святла (і такім чынам цяпла) на працягу дня.
Для тых, у каго на вокнах наклееныя спецыяльныя экраны, — рэкамендуецца іх зняць на халодны перыяд, бо яны могуць перашкаджаць значным аб'ёмам пасіўнага сонечнага цяпла пранікаць у ваш дом.
4. Гатуйце ў сучасных прыстасаваннях
Кухонная тэхніка робіцца ўсё больш эканомнай. Мультыварка бярэ нашмат менш электрычнасці, чым электраплітка, а аэрагрыль — чым электрычная духоўка. У праекцыі на месяц і год гэта дае адчувальную эканомію.
5. Часам абагравальнік — разумны варыянт
Інфрачырвоная тэхналогія абагравальнікаў прызначаная для абагравання людзей і прадметаў, а не прасторы, таму іх лепш за ўсё выкарыстоўваць у якасці кропкавага рашэння. Яны працуюць найбольш эфектыўна, калі накіраваць іх на аднаго-двух чалавек на меншай плошчы. Пастаўце абагравальнік так, каб ён быў накіраваны непасрэдна на вас, і зачыніце дзверы, каб цёплае паветра не сыходзіла з пакоя.
Тым не менш, эксперты не раяць выкарыстоўваць абагравальнік на працягу ўсяго дня.
6. Панізьце тэмпературу вады ў бойлеры
У каго ўласны воданагравальнік, той можа лёгка эканоміць, проста падтрымліваючы тэмпературу вады ў ім на мінімуме.
7. Мыйце бялізну ў халоднай або цёплай вадзе, а не ў гарачай
Пераключэнне з гарачай вады на цёплую ў вашай пральнай машыне можа скараціць спажытую энергію ўдвая, а халодная або цёплая вада — амаль заўсёды лепшая для вашага адзення.
8. Вакуумныя рашоткі з прытокам паветра
Калі ваш дом ацяпляецца пры дапамозе прыточнага паветра, прапыласосьце ўваходнае вечка, якое з часам можа забівацца пылам або поўсцю хатніх жывёл. Лепшы паветраны паток прадухіліць захоп цёплага паветра ў вентыляцыю і дазволіць яму рухацца туды, дзе яно вам сапраўды патрэбна.
9. Замест таго, каб на ноч падвышаць тэмпературу на тэрмастаце, вазьміце лішнюю коўдру
Сон найлепшы, калі паветра прахалоднае.
Дадатковая коўдра ці плед на ногі або шкарпэткі дапамогуць пры гэтым захаваць камфорт цела.
10. Пледы і швэдры
Холадна дома? Перш чым павышаць тэмпературу батарэй, паспрабуйце надзець худзі ці накінуць шаль. Іх, дарэчы, можна раскласці на крэслы, каб выкарыстоўваць пры патрэбе, не лазячы ў шафу. А коўдры могуць ляжаць элегантна складзенымі на канапе. Думайце пра гэта як пра магчымасць захутацца ў нешта асабліва ўтульнае і так — літаральна абняць зіму.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары