U toj čas jak razumnyja lampački, dušavyja nasadki ź nizkim naporam, razumnyja termastaty i inšyja enierhaźbierahalnyja pryłady dapamahajuć źnizić vašy kamunalnyja płaciažy, źmianieńnie niekatorych vašych štodzionnych zvyčak taksama moža dapamahčy zaaščadzić surjoznyja sumy.
Vyklučać śviatło, kali vy vychodzicie z pakoja, — samy prosty sposab ekanomii. Voś niekalki inšych idej.
1. Z rozumam adčyniajcie i začyniajcie štory i žaluzi
U chałodny siezon sonca moža dobra hreć dom. Letam, naadvarot, lišniaje ciapło vam nie treba. Vaźmicie zvyčku ŭzimku adviešvać firanki na dzień. Kali nadychodzić viečar, naadvarot, zavieście štory, pryčym tak, kab batarei zastavalisia niezakrytyja, kab zachavać maksimum ciapła.
2. Minimizujcie skraźniaki, pastaŭcie škłopakiety, zakryjcie ščyliny
Zaklejvajcie vokny na zimu, a ŭ ciažkich vypadkach — zamianicie staryja i niajakasnyja vokny na novyja — usio heta moža palepšyć izalacyju vašaha doma. Dla maksimalnaha ŭciapleńnia možna raskładvać składzienyja ručniki abo pledy ŭzdoŭž padvakońniaŭ i dźviarej.
3. Trymajcie vokny ŭ čyścini
Čystyja vokny — bolš śviatła (i takim čynam ciapła) na praciahu dnia.
Dla tych, u kaho na voknach naklejenyja śpiecyjalnyja ekrany, — rekamiendujecca ich źniać na chałodny pieryjad, bo jany mohuć pieraškadžać značnym abjomam pasiŭnaha soniečnaha ciapła pranikać u vaš dom.
4. Hatujcie ŭ sučasnych prystasavańniach
Kuchonnaja technika robicca ŭsio bolš ekanomnaj. Multyvarka biare našmat mienš elektryčnaści, čym elektraplitka, a aerahryl — čym elektryčnaja duchoŭka. U prajekcyi na miesiac i hod heta daje adčuvalnuju ekanomiju.
5. Časam abahravalnik — razumny varyjant
Infračyrvonaja technałohija abahravalnikaŭ pryznačanaja dla abahravańnia ludziej i pradmietaŭ, a nie prastory, tamu ich lepš za ŭsio vykarystoŭvać u jakaści kropkavaha rašeńnia. Jany pracujuć najbolš efiektyŭna, kali nakiravać ich na adnaho-dvuch čałaviek na mienšaj płoščy. Pastaŭcie abahravalnik tak, kab jon byŭ nakiravany niepasredna na vas, i začynicie dźviery, kab ciopłaje pavietra nie sychodziła z pakoja.
Tym nie mienš, ekśpierty nie rajać vykarystoŭvać abahravalnik na praciahu ŭsiaho dnia.
6. Paniźcie tempieraturu vady ŭ bojlery
U kaho ŭłasny vodanahravalnik, toj moža lohka ekanomić, prosta padtrymlivajučy tempieraturu vady ŭ im na minimumie.
7. Myjcie bializnu ŭ chałodnaj abo ciopłaj vadzie, a nie ŭ haračaj
Pieraklučeńnie z haračaj vady na ciopłuju ŭ vašaj pralnaj mašynie moža skaracić spažytuju enierhiju ŭdvaja, a chałodnaja abo ciopłaja vada — amal zaŭsiody lepšaja dla vašaha adzieńnia.
8. Vakuumnyja rašotki z prytokam pavietra
Kali vaš dom aciaplajecca pry dapamozie prytočnaha pavietra, prapyłasoście ŭvachodnaje viečka, jakoje z časam moža zabivacca pyłam abo poŭściu chatnich žyvioł. Lepšy pavietrany patok praduchilić zachop ciopłaha pavietra ŭ vientylacyju i dazvolić jamu ruchacca tudy, dzie jano vam sapraŭdy patrebna.
9. Zamiest taho, kab na noč padvyšać tempieraturu na termastacie, vaźmicie lišniuju koŭdru
Son najlepšy, kali pavietra prachałodnaje.
Dadatkovaja koŭdra ci pled na nohi abo škarpetki dapamohuć pry hetym zachavać kamfort cieła.
10. Pledy i švedry
Choładna doma? Pierš čym pavyšać tempieraturu batarej, pasprabujcie nadzieć chudzi ci nakinuć šal. Ich, darečy, možna raskłaści na kresły, kab vykarystoŭvać pry patrebie, nie łaziačy ŭ šafu. A koŭdry mohuć lažać elehantna składzienymi na kanapie. Dumajcie pra heta jak pra mahčymaść zachutacca ŭ niešta asabliva ŭtulnaje i tak — litaralna abniać zimu.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie3
Kamientary