Рамана Коржыка абвінавачвалі ў тым, што ён напісаў у тэлеграм-чатах абразлівыя каментары пра шэсць супрацоўнікаў МУС з 29 кастрычніка па 7 снежня 2020 года. Гэта артыкул 369 КК — «абраза прадстаўніка ўлады».
Як тлумачаць праваабаронцы, у адпаведнасці з дзейнай тады рэдакцыяй Крымінальнага кодэкса максімальнае пакаранне па артыкуле было да 2 гадоў пазбаўлення волі, а значыць, «злачынства» мінчука адносілася да тых, якія не ўяўляюць вялікай грамадскай небяспекі. У такім выпадку тэрмін даўніны — два гады з моманту здзяйснення ўчынку. Гэта значыць, прысуд Раману Коржыку мусіў набыць моц на працягу двух гадоў з даты напісання апошняга каментара — не пазней за 7 снежня.
Аднак прысуд у судзе быў вынесены 6 снежня, а набыць моц мог не раней чым праз 10 дзён. У такім выпадку суду варта было спыніць справу за заканчэннем тэрміну даўнасці. Аднак замест гэтага мінчуку прызначылі год абмежавання волі, а таксама абавязалі выплаціць па 1000 рублёў кожнаму з шасці пацярпелых.
Як цяпер высветлілася, суд выправіўся на дадатковым пасяджэнні 26 снежня. Суддзя Наталля Вакульчык, якая раней вынесла абвінаваўчы прысуд, гэтым разам пастанавіла вызваліць Рамана Коржыка ад пакарання з прычыны сканчэння тэрміну даўнасці.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары