Арастовіч напісаў заяву на звальненне з пасады дарадцы Офіса прэзідэнта Украіны
Ён патлумачыў гэта тым, што за памылкі трэба адказваць.
«Напісаў заяву аб сыходзе з пасады.
Хачу паказаць прыклад цывілізаваных паводзінаў: прынцыповая памылка, значыць, у адстаўку», — напісаў у фб палітык.
На Арастовіча абрынуліся з крытыкай пасля яго памылкі пра сітуацыю ў Дняпры, дзе 14 студзеня ракета трапіла ў шматпавярховік. Ён у жывым эфіры заявіў, што ракету, якая ўпала на шматпавярховік у Дняпры, збіла ўкраінская СПА. Гэта было не так, словы Арастовіча пазней абверг камандуючы Паветранымі сіламі УСУ. Мэр Дняпра Барыс Філатаў заклікаў СБУ і контрразведку адрэагаваць на гэта.
Арастовіч патлумачыў памылку стомленасцю і тым, што абапіраўся на словы вайскоўца, які быў відавочцам ракетнага ўдару і раней не памыляўся.
Дэпутаты Вярхоўнай Рады пачалі збіраць подпісы за звальненне Арастовіча. Сам ён прынёс выбачэнні за свае словы.
Арастовіч патлумачыў сваю заяву пра тое, што ракету ў Дняпры збіла СПА
Фаварытка Лукашэнкі і Чыжа — што прынесла гімнастцы Ксеніі Санковіч блізкасць з палітычнымі элітамі?6
Каментары