Міністр замежных спраў Расіі Сяргей Лаўроў паведаміў, што нібыта атрымаў праз кіраўніка МЗС Егіпта Самеха Шукры пасланне ад дзяржсакратара ЗША Энтані Блінкена. Сэнс яго, па словах Лаўрова, у тым, што Расія павінна сысці з Украіны.
«Мы заўсёды казалі, што Расія гатовая выслухаць любую сур'ёзную, я падкрэслю гэта слова, прапанову, якая накіраваная на ўрэгуляванне ўсёй цяперашняй сітуацыі ў яе ўсёахопным кантэксце.
У сувязі з гэтым мы пачулі ў чарговы раз перададзенае праз спадара міністра пасланне аб тым, што Расія павінна спыніцца, Расія павінна сысці, і тады ўсё будзе добра»,— сказаў Лаўроў.
«Сапраўдныя» ж жаданні Блінкена, на думку расійскага міністра, выказаў генеральны сакратар НАТА Енс Столтэнберг падчас свайго візіту ў Паўднёвую Карэю.
«Ён у адным са сваіх выступаў сказаў, што Расія павінна прайграць, Расія павінна быць паваленая, а Захад не можа дапусціць, каб Украіна прайграла, таму што тады Захад прайграе. І прайграе, сказаў Столтэнберг, увесь свет», — адзначыў Сяргей Лаўроў.
Падчас візіту ў Паўднёвую Карэю 29 студзеня Енс Столтэнберг сапраўды заявіў, што перамога Расіі па выніках ваеннага канфлікту стане трагедыяй не толькі для ўкраінцаў, але і для ўсяго свету.
-
Былога прэзідэнта Балівіі Эва Маралеса спрабуюць арыштаваць за згвалтаванне 15-гадовай актывісткі. Яна нарадзіла ад яго
-
Трамп даручыў памочнікам арганізаваць тэлефонную размову з Пуціным пасля інаўгурацыі
-
«У панядзелак вам будзе вельмі весела глядзець тэлевізар». Трамп выступіў перад прыхільнікамі напярэдадні інаўгурацыі
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары