Пра закрыццё мінскай беларускамоўнай кавярні «Апостраф кава» (Алібегава, 28) стала вядома ў канцы снежня. Яна павінна была закрыцца 13 студзеня. Але праблемы, якія змусілі да такога рашэння, на шчасце, удалося развязаць, і тыдзень таму кавярня зноў адкрылася.
«Вітанкі, даражэнькія! Ужо знаёмая вам кавярня «Апостраф», якая надоечы мелася зачыніцца, працягне сваю працу.
Не турбуйцеся, змяніўся толькі ўласнік. Месца знаходжання, інтэр’ер, духмяная кава і, вядома, беларуская мова чакаюць вас. Мы пачынаем сваю працу 1 лютага ў 12:00. Прыходзьце самі і клічце сяброў.
Можна нават з гадаванцамі, для іх таксама знойдуцца ласункі», — напісалі ў сацсетках кавярні.
«Прастора беларускай мовы са смакам кавы», як называюць кавярню новыя ўладальнікі, працуе з 8:00 да 22:00 з панядзелка да пятніцы, з 9:00 да 22:00 у суботу і нядзелю.
Гэта адно з нямногіх у Мінску цалкам беларускамоўных месцаў: ад меню і абслугоўвання да вядзення сацсетак.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары