Камандаванне паветрана-касмічнай абароны Паўночнай Амерыкі паведаміла аб выяўленні чатырох расійскіх самалётаў, уключаючы бамбардзіроўшчыкі Ту-95 і знішчальнікі Су-35, якія ўвайшлі ў апазнавальную зону Аляскі, паведамляе Reuters.
Прадстаўнікі камандавання заявілі, што чакалі расійскую актыўнасць і змаглі аператыўна падняць у паветра два знішчальнікі F-16 для перахопу расійскіх самалётаў у апазнавальнай зоне, якая ахоплівае міжнародную паветраную прастору за межамі ЗША і Канады паблізу Аляскі.
На дапамогу таксама былі адпраўленыя два знішчальнікі F-35А, самалёт далёкага радыёлакацыйнага выяўлення E-3 Sentry і два самалёты KC-135 Stratotanker.
Камандаванне адзначыла, што інцыдэнт не звязаны з абʼектамі, збітымі над тэрыторыямі ЗША і Канады раней у гэтым месяцы, і што расійскія самалёты не ўваходзілі ў суверэнную паветраную прастору дзвюх краін.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты7
Каментары