На VOKA выйшаў першы ўласны мультсерыял «Марыля. У пошуках дзіўнікаў»
На VOKA выйшаў першы ўласны мультсерыял «Марыля. У пошуках дзіўнікаў». Гісторыю ў жанры фэнтэзі, знятую па матывах беларускай народнай казкі, можна паглядзець бясплатна.
У Мінску ў Траецкім прадмесці жыве Марыля — маленькая дзяўчынка з вельмі багатай фантазіяй. Яна жадае падабацца, але людзі зусім не заўважаюць яе. Адзіны чалавек, які падтрымлівае Марылю — Алесь. Аднойчы, героі сустракаюць таямнічую Бабулю, якая кліча іх далучыцца да прыгодаў. Марыля бачыць у гэтай прапанове магчымасць, якая дапаможа звярнуць на сябе ўвагу людзей вакол. Для Бабулі ж Марыля, якая мае багатую фантазію, — гэта ключ да партала ў свет міфічных істот. З дапамогай гэтага партала Бабуля зможа выпусціць дзіўнікаў, што былі забытыя, у рэальны свет. Неўзабаве Марыля разумее, што стала часткай нейкага злавеснага плана і адпраўляецца ўсё выпраўляць.
Мультфільм «Марыля. У пошуках дзіўнікаў» створаны па матывах народнай казкі «Не сіла, а смеласць», а прататыпамі персанажаў сталі героі беларускай міфалогіі. Серыял даступны на дзвюх мовах — беларускай і рускай.
Гледачоў чакае заглыбленне ў дзіўны казачны свет, дзе можа апынуцца кожны чалавек з багатым уяўленнем. Чароўныя істоты, незабыўныя прыгоды, фантастычная атмасфера, мудрыя думкі — у мультсерыяле ёсць усё, за што так любяць казкі.
Паглядзець «Марыля. У пошуках дзіўнікаў» можна на сайце voka.tv або ў мабільнай праграме VOKA з любой прылады і ў сетцы любога аператара.
Мультсерыял з'яўляецца часткай праекта «CINEVOKA — Кіно па-беларуску». Дзякуючы яму ў аднайменным раздзеле відэасэрвісу ўжо прадстаўленыя больш за 50 фільмаў і серыялаў — ад галівудскіх блокбастараў да анімэ — у беларускім дубляжы.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары