«Віталюр» спыніў сваю дзейнасць. Як заявілі ў кампаніі, 21 лютага быў для гэтай сеткі апошнім працоўным днём.
«Гэта была па-сапраўднаму неверагодная гісторыя: узлёты, падзенні, новыя адкрыцці… пачынаючы з аднаго невялікага гандлёвага павільёна, за 27 гадоў «Віталюр» вырас у адну з найбуйнейшых гандлёвых сетак Беларусі, стаўшы лідарам у многіх галінах і прыкладам для іншых», — сказана ў паведамленні ў Instagram-акаўнце сеткі.
Але цяпер гэтаму прыйшоў канец.
Кампанія працавала ў Беларусі з 1995 года і валодала амаль сотняй гандлёвых аб'ектаў. Але ў апошні год яна сутыкнулася з фінансавымі праблемамі, звязанымі з цяжкасцямі ў выплаце грошай пастаўшчыкам. Урэшце гэта скончылася хуткім банкруцтвам і пераходам крамаў «Віталюр» пад крыло іншай гандлёвай сеткі — «Санта».
Каментары