У Гродне затрымалі хроснага бацьку дзяўчыны, якая нібыта праходзіла падрыхтоўку ў «Байполе». Раней затрымалі яе цётку
У Гродне ГУБАЗіК затрымаў Паўла Якубеля. На відэа сілавікоў мужчына кажа, што затрыманы за рэгістрацыю ў плане «Перамога» і за тое, што знаходзіцца ў пратэсных чатах у Facebook і Telegram.
Павал Якубель. Фота з яго старонкі ў «Аднакласніках»
Таксама ён распавядае, што яго пляменніца — актывістка Карына Маліноўская.
Пра Паўла «Нашай Ніве» распавёў ягоны знаёмы з Гродна:
«Ён вельмі прыстойны чалавек і добры сябра. Працаваў будаўніком, прарабам, меў уласную брыгаду ў Гродне. Займаліся яны рэмонтамі ў розных кватэрах і катэджах».
Па інфармацыі @Grodno_grab, у лютым затрымалі таксама цётку Карыны — Ірыну Савашынскую.
Карына Маліноўская пасля збіцця сілавікамі ў 2020 годзе распавядала, што страціла дзіця. Пазней яна з'ехала за мяжу.
Сілавікі пішуць, што там яна «праходзіла падрыхтоўку ў «Байполе».
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары