Кіраўнік БРСМ пахваліў ГУБАЗіК за прыніжальныя відэа і сказаў, што гатовы разглядаць звароты ахвотных вярнуцца
Пра гэта Аляксандр Лук’янаў заявіў на БТ. «Мы толькі рады будзем дапамагчы вярнуцца, раскаяцца і прыўнесці свой уклад у развіццё нашай краіны», — заявіў ён.
Вядучая праграмы запыталася ў Лук’янава, ці гатовы БРСМ дапамагчы маладым людзям, якіх «бацькі прымушалі ўдзельнічаць у несанкцыянаваных масавых мерапрыемствах або сілком вывезлі з краіны».
«Мы працуем з усёй моладдзю, у тым ліку з катэгорыяй, якая спатыкнулася. Памылку можа здзейсніць кожны, памылка — гэта адзін раз, два разы — сістэма. Таму наша задача — не даць маладому чалавеку другі раз спатыкнуцца, паказаць маладым людзям, дзе насамрэч крыецца патэнцыял для іх уласнага развіцця і ўмацавання нашай дзяржавы.
Калі да нас будуць паступаць такія звароты, мы зробім усё неабходнае, каб маладыя людзі маглі вярнуцца і сацыялізавацца. У нас працуе анлайн-прыёмная, і туды такія пытанні ўжо паступалі, куды звярнуцца, што неабходна зрабіць. Пытанні прыкладнога характару. <…> Калі ласка, звяртайцеся. Мы толькі рады будзем дапамагчы вярнуцца, раскаяцца і прыўнесці свой уклад у развіццё нашай краіны», — кажа ён.
Таксама Лук’янаў сказаў, што ў людзей, якія хочуць вярнуцца ў Беларусь, «павінен быць элемент раскаяння», і пахваліў у гэтым сэнсе ГУБАЗіК.
«Можа быць, не ў жывым эфіры, але такі запіс павінен быць у праваахоўных органах, — кажа ён. — Каб чалавек прыехаў, пацвердзіў, што ён усвядоміў, што, магчыма, ім маніпулявалі ў 2020-м ці наступным перыядзе, парушаў асновы канстытуцыйнага ладу. Няхай яно не будзе апублічанае, але калі чалавек спатыкнецца ў другі раз, то яго можна прадставіць, як у нас паспяхова гэта робіць ГУБАЗіК».
Чытайце таксама:
У полацкім Сафійскім саборы прымалі ў БРСМ — ФОТА
«Важна, каб працэс быў запушчаны». Вячорка пра выдачу ордара на арышт Лукашэнкі
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
-
У Партугаліі адмяняюць абарону для беларусаў, якія выехалі з Украіны падчас вайны
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары