У судзе Савецкага раёна Гомеля 20 красавіка пачнуць разглядаць чарговую справу пенсіянера. Яму інкрымінуюць арт. 369 КК (абраза прадстаўніка ўлады) і арт. 391 КК (абраза суддзі). Працэс будзе весці суддзя Аляксандр Мохараў, паведамляе «Вясна».
Раней Дземідовіча асудзілі да шасці гадоў пазбаўлення волі, абвінаваціўшы яго ў абразах прадстаўніка ўлады, суддзі, Лукашэнкі і арганізацыі масавых беспарадкаў. Пазней Васілю дадалі яшчэ паўгода зняволення па новай справе. 23 сакавіка ў судзе Драгічынскага раёна над ім адбыўся трэці суд, але вынік невядомы.
У канцы чэрвеня КДБ унёс Васіля ў «тэрарыстычны спіс». Праз гэта яму нельга рабіць грашовыя пераводы, а падтрымліваць Васіля няма каму.
15 красавіка Васіль адзначыць Дзень нараджэння. Таму правабаронцы заклікаюць дасылаць яму пасылкі з прысмакамі і «медыцынскія бандэролі».
Падтрымайце Васіля: СІЗА-3. 246003, Гомель, Кніжная, 1А, Васіль Іванавіч Дземідовіч.
Каментары