Колькасць зняволеных у 35 рэгіёнах Расіі за год скарацілася на 17 тысяч чалавек
Па выніках 2022 года колькасць зняволеных у 35 рэгіёнах Расіі скарацілася на 17 тысяч чалавек, падлічыла выданне «Медыязона».
Па інфармацыі выдання, больш за ўсё колькасць расійскіх зняволеных знізілася ў Самарскай вобласці: на пачатку 2022 года ў калоніях у гэтым рэгіёне ўтрымлівалася 10,2 тысячы чалавек, а на пачатку 2023-га — 7,5 тысячы. Таксама лідарамі па колькасці «зніклых» зняволеных сталі Чалябінская і Кіраўская вобласці (1574 чалавек і 1153 чалавек адпаведна) і Татарстан (1040 чалавек).
«Медыязона» мяркуе, што такая дынаміка звязаная з актыўнай вярбоўкай зняволеных для ўдзелу ў вайне з Украінай.
Гістарычным трэндам гэта растлумачыць складана, паколькі, да прыкладу, за 2021 год колькасць зняволеных у рэкорднай Самарскай вобласці, наадварот, павялічылася больш чым на 300 чалавек.
Аднак гэтая версія не заўсёды пацвярджаецца статыстычнымі данымі. Да прыкладу, у Краснадарскім краі і Яраслаўскай вобласці, дзе вялася актыўная вярбоўка, колькасць зняволеных, паводле афіцыйных звестак, за год амаль не змянілася.
У той жа час суразмоўца «Медыязоны» ў Тульскай вобласці паведаміў, што на вайну завербавалася каля тысячы чалавек — і гэтыя даныя былі пацверджаныя статыстыкай: да пачатку 2022 года ў калоніях Тульскай вобласці змяшчалася 6,4 тысячы чалавек, а да пачатку 2023-га — 5,5 тысячы (на 875 менш).
Цяпер чытаюць
Пачобут паразважаў, ад чаго залежыць будучыня Беларусі1
Каментары