На волю выйшла, адбыўшы свой тэрмін, актывістка Аб'яднанай грамадзянскай партыі Антаніна Кавалёва. Пра гэта «Нашай Ніве» паведамілі яе аднапартыйцы.
Антаніна Кавалёва была затрыманая 27 ліпеня 2022 года разам са старшынёй партыі Мікалаем Казловым і кіраўніком мінскай гарадской арганізацыі Аксанай Аляксеевай і асуджаная ў лістападзе да года калоніі.
Аляксеевай далі паўтара года калоніі, Казлову — два з паловай гады. Кавалёва цалкам адседзела свой тэрмін, ёй залічылася адседжанае ў СІЗА.
Каментары