З-за пажару літоўцы часова прыпынілі пропуск праз памежны пераход у Медніках
У сераду, 10 мая, літоўскім бокам часова прыпынены пропуск праз мяжу праз памежны пераход у Медніках (з беларускага боку — «Каменны Лог»). Прычынай стаў пажар, паведамляе Дзяржпагранкамітэт Беларусі.
![](http://nnexpictures.fra1.digitaloceanspaces.com/img/w732d4webp1/photos/z_2023_05/1226676876medininkaieilepkp-4u1wp.jpg.webp)
Здымак ілюстрацыйны. Фота: VSAT
Паводле інфармацыі беларускіх памежнікаў, каля 15-й гадзіны загарэўся адзін з адміністрацыйных будынкаў літоўскіх кантрольных службаў. Праз надзвычайнае здарэнне пропуск транспарту часова прыпынілі ў абодва бакі.
Раней стала вядома, што ў чацвер, 11 смая, у пункце пропуску «Катлоўка» на мяжы з Літвой некалькі гадзін не будзе электрычнасці.
Каментары