Пасля апрацоўкі 100% бюлетэняў Эрдаган атрымаў 49,24% галасоў, Кылычдароглу — 45%, паведамляе дзяржаўны тэлеканал TRT.
Уначы Эрдаган выступіў перад прыхільнікамі і выказаў упэўненасць у перамозе ў першым туры. Ён дадаў, што выбарчай камісіі трэба «крыху больш» часу, каб палічыць галасы, чым планавалася. Таксама ён абвінаваціў апазіцыю ў падмане нацыі праз словы пра лідарства яе кандыдата на выбарах.
Кылычдароглу ў сваім выступе адзначыў, што ў Турцыі павінен прайсці другі тур прэзідэнцкіх выбараў. «Мы зробім усё, каб на працягу наступных 15 дзён разам з нашым народам усталяваць справядлівасць і правасуддзе. Хай наш народ будзе ўпэўнены — мы абавязкова пераможам», — сказаў ён.
Другі тур пройдзе 28 мая.
На парламенцкіх выбарах амаль 50% галасоў заваяваў «Рэспубліканскі альянс» дзеючага прэзідэнта. Гэта 322 з 600 дэпутацкіх месцаў. Апазіцыйны «Народны альянс» — 35% і 212 месцаў.
Чытайце таксама:
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?2
Каментары