Падпольны мясакамбінат ліквідавала міліцыя ў Магілёўскім раёне. Як паведамляюць у МУС, 38-гадовы прадпрымальнік пераабсталяваў у цэх па перапрацоўцы мяса свой прыватны дом.
Жывёлу мужчына купляў за наяўныя грошы ў тых, хто займаецца яе скупкай у сельгасарганізацыях Магілёўскай і Віцебскай абласцей, а таксама ў фізічных асоб. У сябе ў падпольным цэху ён разбіраў, замарожваў і захоўваў тушы. Прадукцыю бізнэсмен збываў у Беларусі і Расіі.
Гэты будынак не адпавядаў ніякім санітарна-эпідэміялагічным нормам, сцвярджаюць у МУС. У ім знайшлі фасаваную ў блокі па 12-20 кілаграмаў ялавічыну агульнай вагой звыш 16,5 тоны і больш за тысячу банак тушонкі. Ветэрынарных дакументаў на ўсю гэтую прадукцыю не было.
Па фактах парушэння ветэрынарных нормаў і падатковага заканадаўства праводзіцца праверка.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары