Ён чвэрць стагоддзя служыў у Беларусі.
31 мая ў Польшчы адышоў у вечнасць ксёндз Станіслаў Лугоўскі SDB, які чвэрць стагоддзя нёс служэнне ў Беларусі, піша catholic.by.
Ксёндз Станіслаў Лугоўскі SDB быў адным з першых салезіянаў у Беларусі. Пастырскаму служэнню на нашай Бацькаўшчыне ён прысвяціў 25 гадоў свайго святарства. Апошнім месцам яго служэння ў нашай краіне была парафія Святога Мацвея ў Раўбічах (Мінска-Магілёўская архідыяцэзія, дэканат Мінск-Усход), дзе на працягу чатырох гадоў святар выконваў функцыю пробашча.
У лістападзе 2015 года ксёндз Станіслаў Лугоўскі завяршыў гэтую місію і вярнуўся на радзіму, у Польшчу, дзе працягваў душпастырскую дзейнасць.
Вернікі парафій, дзе нёс служэнне ксёндз Станіслаў Лугоўскі, сабраты салезіяне і іншыя святары ў Беларусі запамяталі яго як чалавека надзвычай добрага, адкрытага, шчырага і адданага.
Каментары