Былы прэзідэнт Бразіліі Фернанду Колар ды Мелу асуджаны да 8 гадоў 10 месяцаў турмы па справе аб карупцыі. У сераду Вярхоўны суд Бразіліі прызнаў 73-гадовага экс-кіраўніка дзяржавы вінаватым у хабарніцтве і адмыванні грошай, піша Deutsche Welle.
Суд палічыў даказаным, што пасля свайго адыходу з прэзідэнцкай пасады ў 2010—2014 гадах Колар ды Мелу, які быў членам Сената, браў буйныя хабары ад энергетычнай кампаніі BR Distribuidora — даччынай фірмы напаўдзяржаўнай нафтавай кампаніі Petrobras — у абмен на заключэнне кантрактаў.
Колар ды Мелу яшчэ можа абскардзіць прысуд пасля яго поўнага абвяшчэння.
Працэс звязаны з карупцыйным скандалам Lava Jato, які выліўся ў 2014 годзе, у якім аказаліся замяшаныя сотні палітыкаў, дзяржслужачых і бізнэсменаў.
Прэзідэнт Бразіліі ў 1990—1992 гадах
Фернанду Колар ды Мелу ў 1989 годзе стаў першым абраным прэзідэнтам Бразіліі пасля падзення вайсковай дыктатуры і заняў пасаду ў 1990 годзе. У снежні 1992 года на фоне скандалу вакол вымагання грошай на перадвыбарчую кампанію і карупцыі ён пайшоў у адстаўку. У 1994 годзе суд яго апраўдаў праз адсутнасць доказаў. Пазней Колар ды Мелу вярнуўся ў палітыку і да лютага 2023 года быў сенатарам ад штата Алагоас. У 2015 годзе суд пачаў новае расследаванне ў дачыненні да экс-прэзідэнта.
Цяперашні прэзідэнт Бразіліі Луіс Інасіу Лула да Сілва адбываў турэмнае зняволенне па абвінавачанні ў карупцыі і адмыванні грошай. Пасля 580 дзён зняволення Вярхоўны суд адмяніў прысуд у дачыненні да Лула да Сілва па фармальных падставах.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары