Алешкі пад вадой і сотні людзей на дахах. Як ратуюць людзей на затопленай Херсоншчыне
На левабярэжжы Херсоншчыны, што знаходзіцца ў акупацыі, падтопленыя ці нават затопленыя дзясяткі вёсак і гарадоў. Праз падрыў дамбы Кахоўскай ГЭС узровень вады месцамі падняўся тут да чатырох метраў.
Людзі на лодках спрабуюць выбрацца з затопленых тэрыторый, але вельмі многія з іх проста вымушаныя ўскараскацца на дахі дамоў і чакаць выратавання. Паводле ўкраінскіх уладаў, там ужо загінулі людзі, пра гэта піша Бі-бі-сі.
Аэраразведчык з пазыўным «Санта» расказаў, як удалося выратаваць маму з двума дзецьмі з Алешак. Дрон аэраразведкі ўбачыў на затопленай тэрыторыі цывільных, якія аказаліся ў воднай пастцы на даху свайго дома.
«Трымацца. Без панікі. Эвакуацыя будзе. «Санта» — такую запіску разам з вадой даставіў людзям дрон памежніка. Пасля яго дрон забяспечваў суправаджэнне эвакуацыйнай каманды. Сям'ю эвакуявалі. Цяпер яны знаходзяцца ў бяспецы.
Таксама выратавалі жанчыну з дзецьмі і жывёламі.
Сям'я была на даху дома, аточанага вадой, калі іх заўважыў дрон украінскіх вайскоўцаў.
Спярша ім змаглі скінуць ваду з дрона — хлопец яе спрытна злавіў.
А потым знайшлі шляхі эвакуяваць сям'ю. Цяпер яны ў бяспечным месцы.
А ў Херсоне ратуюць кацянятаў, якія вельмі баяцца вады.
Эксперты яшчэ раней паказвалі, што плаціны на Дняпры будаваліся ў савецкія часы з разлікам на масіраваныя ракетныя ўдары, а таму Украіна не магла разбурыць дамбу некалькімі ракетамі.
А зафіксаваныя на відэа пашкоджанні паказваюць, што падрыў ажыццявілі з дапамогай вялікай колькасці магутнай выбухоўкі, якую заклалі знутры збудаванняў станцыі — у машыннай зале.
Лукашэнкаўцы ўпершыню за доўгі час паказалі Віктара Бабарыку27
Каментары