Па даных CNN, за апошнія некалькі дзён клубы дыму распасціраліся з Канады праз Грэнландыю, Ісландыю і дасягнулі Нарвегіі.
У Канадзе адбываюцца сотні лясных пажараў, у выніку чаго дым ужо накрыў частку тэрыторыі ЗША і дайшоў нават да Нарвегіі.
Навукоўцы з Нарвежскага інстытута даследаванняў клімату і навакольнага асяроддзя (NILU) зафіксавалі павелічэнне колькасці дыму з дапамогай вельмі адчувальных прыбораў, а затым пацвердзілі яго паходжанне з дапамогай прагнознага мадэлявання.
Даследчыкі чакаюць, што ў найбліжэйшыя дні дым распаўсюдзіцца на значныя тэрыторыі Еўропы, але наўрад ці людзі змогуць заўважыць яго ці адчуць пах.
Па словах Нікалааса Евангеліу, старшага навуковага супрацоўніка NILU, нарвежцы могуць адчуваць пах і нават заўважаць дым у выглядзе лёгкай імглы, але гэта не нясе негатыўных наступстваў для здароўя.
With over 400 active #wildfires burning across Canada, learn more about what each stage of a wildfire means. https://t.co/0bqZOoMhsq
«Пажары, якія распаўсюджваюцца з такіх вялікіх адлегласцяў, прыходзяць вельмі «разрэджанымі», — сказаў ён у каментары CNN.
У Канадзе зарэгістравана больш за 400 актыўных лясных пажараў у выніку змены клімату і засухі, таму паветра ў ЗША і Канадзе вельмі забруджанае і патэнцыйна небяспечнае.
Па стане на 8 чэрвеня ў Канадзе адбылося 2393 лясныя пажары, якія выпалілі больш за 4,4 мільёна гектараў зямлі.
Цяпер чытаюць
«Дзеля сваіх дзетак, каб да іх вярнуцца». Дашкевіч расказаў, як трапіў у «нізкі статус» і напісаў прашэнне аб памілаванні8
Каментары