Грамадства33

Затрыманы ў Івацэвічах расеец — кантрактнік расійскага войска. У Беларусі ён мог рыхтавацца да адпраўкі ва Украіну — «Люстэрка»

Адзін з затрыманых у Івацэвічах 17 чэрвеня расейцаў можа быць вайскоўцам расійскага войска. «Люстэрка» адшукала ў сацыяльных сетках вельмі падобнага мужчыну з такім жа імем, імем па бацьку і прозвішчам, якімі назваўся мужчына, што трапіў на відэа. На яго старонцы значыцца, што ў красавіку 2023 года ён заключыў кантракт з Мінабароны РФ тэрмінам на два гады. Падраздзяленне, у якім ён служыць, можа знаходзіцца на тэрыторыі Беларусі.

Расіянін, які назваўся Аляксандрам Быкавым (злева) падчас затрымання ў Івацэвічах. Брэсцкая вобласць, 17 чэрвеня 2023 года. Фота: «Ганцавіцкі час»

Адзін з расейцаў, затрыманых суботнім вечарам каля аднаго з гандлёвых цэнтраў Івацэвічаў, назваўся Аляксандрам Леанідавічам Быкавым.

Журналісты знайшлі ў сацыяльных сетках вонкава падобнага чалавека з такім імем, прозвішчам і імем па бацьку. 

Яму 41 год, ён з Санкт-Пецярбурга (дарэчы, аўтамабіль затрыманых, мяркуючы па нумарах, зарэгістраваны ў Ленінградскай вобласці).

28 красавіка 2023 года Аляксандр Быкаў падпісаў кантракт на два гады з расійскім Міністэрствам абароны.

Пасля гэтага радавога запасу Быкава залічылі стралком у батальёне 283-га палка 144-й гвардзейскай мотастралковай дывізіі. Гэта злучэнне ўваходзіць у склад 20-й гвардзейскай агульнавайсковай арміі Заходняй ваеннай акругі.

Выпіска з загада аб падпісанні кантракта паміж Аляксандрам Быкавым і расійскім Міністэрствам абароны. Фота з профілю расіяніна ў сацыяльнай сетцы

Вядома, што 20-я гвардзейская агульнавайсковая армія ўваходзіць у склад рэгіянальнай беларуска-расійскай групоўкі войскаў. Імаверна, падраздзяленне Аляксандра Быкава знаходзіцца непадалёк ад Івацэвічаў, на Абуз-Лясноўскім агульнавайсковым палігоне. Там пасля пачатку расійскага ўварвання ва Украіну навучаюцца часткі расійскага кампанента рэгіянальнай групоўкі.

Як лічыць украінскі бок, пасля навучання на тэрыторыі Беларусі расійскія падраздзяленні вяртаюцца ў Расію і адтуль адпраўляюцца на вайну.

Вечарам 17 чэрвеня ў Івацэвічах скруцілі дваіх расіян, якія ехалі на аўто з літарай Z на шкле.

Пасля з'яўлення відэа ў сеціве ананімны тэлеграм-канал, звязаны з беларускімі сілавікамі, расказаў падрабязнасці затрымання. Паводле яго інфармацыі, сям'я ўжывала алкаголь, а з гулянкі вырашыла паехаць на сваім аўто.

Машыну спынілі супрацоўнікі ДАІ. Расіяне не рэагавалі на папярэджанні і «атрымалі па поўнай праграме пратаколы не толькі за перадачу стырна і п'яную язду, але і за непадпарадкаванне». 

Каментары3

  • Чаркашкварка
    18.06.2023
    Навезлi сюда лукашэнкi нам
  • mikola
    18.06.2023
    Jak geta- *Maza byc.... * a kali ni moza byc ? Zapytaice u Jago !
  • Дрэд
    18.06.2023
    "человечьи очистки"

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк5

Ілюстратарку з Брэста асудзілі за данаты палку Каліноўскага на шэсць гадоў

Пад Бабруйскам на трасе добра насыпала граду

У Мінску за пратэсты будуць судзіць мужа і жонку. У іх трое дзяцей3

«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім3

Ігар Стралкоў (Гіркін) будзе працаваць краўцом у калоніі1

Пасля 2 гадоў зняволення выйшаў на волю старшыня АГП Мікалай Казлоў9

Борыс Джонсан расказаў, у чым змест мірнага плана Дональда Трампа па Украіне7

Лукашэнка: Мы «кінулі якар» у Расіі і Кітаі, але трэба знаходзіць шляхі супрацоўніцтва і з ЕС4

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →