Верхнядзвінскую актывістку Валянціну Болбат зноў арыштавалі на 30 сутак. Яна пакуль на волі
Валянціну затрымалі 30 красавіка, але пасля гэтага жанчыне стала блага, таму яна на некаторы час трапіла ў бальніцу.
Суд адбыўся 10 мая ў судзе Верхнядзвінскага раёна. Жанчыне тады прызначылі 30 сутак арышту паводле арт. 19.11 КаАП (распаўсюд экстрэмісцкіх матэрыялаў) і арт. 24.23 КаАП (несанкцыянаванае пікетаванне).
Паводле «Віцебскай вясны», пасля суда ў жанчыны здарыўся гіпертанічны крыз, і яе адвезлі ў шпіталь, дзе яна лячылася два тыдні. Валянціна Болбат абскардзіла пастанову суда ў Віцебскім абласным судзе. 22 мая суддзя Святлана Іванова адмяніла рашэнне суда Верхнядзвінскага раёна, таму справу перадалі ўжо ў Наваполацкі суд.
Сёння адбыўся чарговы суд над актывісткай. Суддзя Зінаіда Балаболава прызначыла жанчыне зноў 30 сутак. Валянціна Болбат пакуль на волі і плануе абскардзіць пастанову суда.
Каментары