Зараз міліцыя дасць прававую ацэнку дзеянням бабулі.
У Шклоўскую цэнтральную раённую бальніцу дзяўчынка з атручэннем трапіла ў пачатку мая, паведамляе Tochka.by са спасылкай на Дзяржаўны камітэт судовых экспертыз.
Дзіця разам з бацькамі гасцявала ў бабулі. Пакуль ніхто не бачыў, дзяўчынка знайшла бабуліны таблеткі і стала з імі гуляць.
Калі дарослыя заўважылі гэта, лекі былі ўжо ў малой у роце. Адну таблетку паспелі дастаць, але гэта не дапамагло. Праз паўгадзіны дзіцяці стала дрэнна, і бацька павёз дачку ў бальніцу.
Дзяўчынка трапіла ў рэанімацыю, ёй аказалі медыцынскую дапамогу. На наступную раніцу малую ўжо выпісалі. Цяпер з ёй усё добра. Але гісторыя з клафелінам на гэтым не скончылася.
Міліцыя накіравала на судовую экспертызу таблеткі, якімі атруцілася дзяўчынка. Аказалася, што яны ўтрымліваюць клафелін і адпускаюцца толькі па рэцэпце.
Па словах бабулі, ёй гэтыя лекі выпісаў доктар з-за высокага ціску. Але пазней супрацоўнікі РАУС высветлілі, што рэцэпт на таблеткі ёй ніхто не выдаваў.
Праверка наконт захоўвання клафеліну без рэцэпта працягваецца. Дзеянням бабулі дадуць прававую ацэнку.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары