Абломкі, узнятыя з глыбінь Атлантыкі, выгрузілі з судна Horizon Arctic на пірсе Канадскай берагавой аховы ў горадзе Сент-Джонс.
Прадстаўнікі Берагавой аховы ЗША паведамілі, што сярод абломкаў былі знойдзеныя пасадачная рама падводнага апарата і задняе вечка.
Абломкі батыскафа знаходзіліся на глыбіні каля 3810 метраў пад вадой і на адлегласці прыкладна 488 метраў ад «Тытаніка» на дне акіяна.
Батыскаф «Тытан», які накіроўваўся да месца гібелі «Тытаніка», знік у акіяне 19 чэрвеня. Экіпаж падводнага судна перастаў выходзіць на сувязь праз 1 гадзіну 45 хвілін пасля апускання ў ваду.
22 чэрвеня знайшлі першыя абломкі батыскафа, экіпаж прызналі загінулым.
На борце «Тытана» знаходзіліся брытанскі бізнэсмен Хэміш Хардынг, бізнэсмен з Пакістана Шахзада Давуд і яго 19-гадовы сын, а таксама заснавальнік кампаніі OceanGate Стоктан Раш і французскі даследчык Поль-Анры Наржале.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава12
Каментары