Мінскія школы з 1 верасня пяройдуць на новую сістэму харчавання вучняў
У Мінску школы пяройдуць на новую сістэму харчавання вучняў з 1 верасня 2023 года. Пра гэта расказаў кіраўнік камітэта адукацыі Мінгарвыканкама Андрэй Стрыгельскі, піша агенцтва «Мінск-Навіны». Новыя падыходы да школьнага харчавання плануюць увесці ў тры этапы.
Чыноўнік нагадаў пра эксперымент, які быў праведзены ў мінулым навучальным годзе ў некалькіх школах. Сутнасць яго была ў тым, каб удасканаліць асартымент страў пры ўдзеле вучняў. Ім прапаноўвалася зрабіць выбар. Таксама быў павялічаны час прыёму ежы да 3,5 гадзіны пасля прыходу ў школу, каб дзеці паспелі прагаладацца.
Эксперымент быў прызнаны паспяховым, таму гэты праект будзе ўкараняцца ва ўсіх сталічных гімназіях і школах у тры этапы.
Прыкладна 35% школ пяройдуць на новую сістэму харчавання з 1 верасня, астатнія — па меры гатоўнасці, але не пазней, чым праз год.
Стрыгельскі таксама адзначыў, што ў мінулым навучальным годзе спецыялістамі было распрацавана больш за 60 новых страў. Акрамя таго, праводзіўся эксперымент па замене асартыменту школьных буфетаў на прадукцыю, рэкамендаваную навукова-практычным цэнтрам НАНБ па харчаванні — з нізкім утрыманнем цукру і маркіраваную як прадукцыя для дзяцей. Гэты эксперымент ахапіў шэсць школ і быў таксама прызнаны паспяховым, таму новую сістэму будуць уводзіць у іншых навучальных установах.
Стала вядома, чаму пераможца беларускага адбору «Міс Сусвет» не едзе на конкурс. Яна знайшлася ў СІЗА11
Каментары
то бок справа не ў клопаце пра дзяцей, а каб нехта чарговы раз засвоіў бюджэт?
я правільна поні маю ?
Тое, што меньш цукру, вельмі добра.