Пасля таго, як у канцы мая Паліна, стаміўшыся ад жорсткага ціску і пераследу ў калоніі, адмовілася ад беларускага грамадзянства, адміністрацыя калоніі прыняла рашэнне скіраваць яе на псіхіятрычна-судовую экспертызу.
Пра гэта паведаміў яе муж Андрэй, які цяпер пражывае з двума непаўналетнімі сынамі ў Вільні. Паводле яго, 27 чэрвеня ім стала вядома, што Паліна ўжо ў аддзеле экспертыз у псіхіятрычным цэнтры «Навінкі».
Нагадаем: пасля таго, як у канцы мая Паліна, стаміўшыся ад жорсткага ціску і пераследу ў калоніі, адмовілася ад грамадзянства Рэспублікі Беларусь, адміністрацыя калоніі прыняла рашэнне скіраваць яе на псіхіятрычна-судовую экспертызу. Хаця 2 гады таму Паліна праходзіла ўжо экспертызу ў гэтай установе, там яе прызналі здаровай.
Як кажа Андрэй, маці Паліны ўдалося перадаць прадуктовую перадачу, бо жанчына ўжо год наогул не ела садавіны і гародніны. Аднак лекі, якія жыццёва неабходныя для арганізма зняволенай, не ўзялі, спасылаючыся на тое, што «тут усё ёсць».
Як удалося даведацца ўскосным чынам, перадачу з лекамі не ўзялі, бо «Паліна сябе дрэнна паводзіла», як піша «Вясна».
***
Паліну Шарэнду-Панасюк затрымалі на пачатку студзеня 2021 года і затым асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі. На волю яна павінна была выйсці летам.
Але ў мінулым годзе яе асудзілі па арт. 411 КК да яшчэ аднаго года калоніі. У красавіку 2023 года супраць яе завялі ўжо новую справу — за «злоснае непадпарадкаванне адміністрацыі калоніі».
Цяпер чытаюць
На свой дзень нараджэння Зяленскі з Наўроцкім, Наўседам і Ціханоўскай у Вільні ўшануе памяць Кастуся Каліноўскага5
Каментары
вось, каму цікава -
Современная карательная психиатрия в России и Беларуси. Документальный фильм «К У Л А З И Н» - youtube.com/watch?v=JgW7UdXNELc
то бок гэта можа быць шчэ горш, чым турма (а "парадкі" і прыніжэнні там могуць быць досыць падобны), таму што даюць прэпараты