Расійскі вайсковец спрабаваў падарваць карабель з ракетамі, якімі абстрэльваюць Украіну — ФСБ
ФСБ паведаміла, што прадухілена спроба спецслужбаў Украіны зладзіць тэракт на караблі Чарнаморскага флоту Расіі, які мае на ўзбраенні высокадакладную зброю.

«У выніку праведзеных мерапрыемстваў затрыманы завербаваны ўкраінскай спецслужбай вайсковец Вайскова-марскога флоту Расійскай Федэрацыі, у якога канфіскаваны дзве самаробныя выбуховыя прылады агульнай масай адзін кілаграм у трацілавым эквіваленце», — гаворыцца ў паведамленні. Акрамя таго, ён падазраецца ў перадачы праціўніку звестак, якія складаюць дзяржаўную тайну», — цытуе паведамленне ФСБ РІА «Новості».
Прымаецца рашэнне аб завядзенні крымінальных спраў па артыкулах 205 («Тэрарыстычны акт»), 222.1 («Незаконны абарот выбуховых рэчываў або выбуховых прылад»), 275 («Дзяржаўная здрада»), 283 («Разгалошванне звестак, якія складаюць дзяржаўную тайну») КК Расіі.
Каментары