«Страхавая кампанія выступіла супраць». Прэзідэнт Конга паскардзіўся, што прыйшлося мяняць самалёт, каб даляцець да Пуціна
Прэзідэнт Рэспублікі Конга Дэні Сасу-Нгеса на сустрэчы з Уладзімірам Пуціным паскардзіўся на складанасці з самалётам на шляху да форуму Расія — Афрыка.
Форум праходзіў 27-28 ліпеня ў Санкт-Пецярбургу.
«Многія сілы працавалі, каб перашкодзіць поспеху гэтага саміту. Нават мы сутыкнуліся з вялізнымі складанасцямі, каб дабрацца сюды. Самалёт, які мы арандавалі, быў перанакіраваны ў Дубай, паколькі страхавая кампанія выступіла супраць прыбыцця гэтага самалёта сюды. У Дубаі нам давялося ўзяць у арэнду іншы самалёт. Гэта было няпроста. Я ведаю, што іншыя дэлегацыі таксама сутыкнуліся са складанасцямі, напрыклад, з праблемамі з дазволамі на пралёт над некаторымі краінамі», — прыводзіць словы прэзідэнт Рэспублікі Конга ТАСС.
Раней паведамлялася, што на гэты форум не паехалі дзве траціны афрыканскіх лідараў.
Лідараў афрыканскіх краін на сёлетнім форуме ўдвая менш, чым на аналагічным форуме 2019 года, дзе на найвышэйшым узроўні былі прадстаўлены 45 афрыканскіх краін. Пры гэтым пяць дзяржаў адмовіліся ад удзелу ў саміце цалкам, а палова дэлегавала на яго чыноўнікаў другога рангу: з 17-ці краін прыехалі віцэ-прэм'еры і міністры, а яшчэ з пяці — проста паслы.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі6
Каментары